راه راه ..هو..لا ما هواش؟ علاش ميقولش هو: أنا ما شي هو؟

 الشوارع 

واش شفتو؟

شكون؟

هو أصاحبي

شكون أصاحبي؟

دكشي ديال لبحر وشطح اردح

آآآه..ولا راه ماشي هو؟

وراه باين هو نيت، اسمحلي

لا لا راني شفت شي وحدين في الفيسبوك قالوا مشي هو

ــ شي وحدين ولا شي وحدات؟

كيف كيف أبو اصحيب

ــ ولكن ميمكنش نعولوا غير على “شي وحدين” ديال الفيسبوك باش نقولوا ماشي هو

ــ لا راه دوك شي وحدين قالوا شي واحد قريب منو “هو” قال ما شي هو

ــ واخا وعلاش مينوضش “هو ديال بصح” ويقول لينا رسميا راه لي شفناه وبان لينا “هو نيت” راه ماشي هو؟؟

ــ ميمكنش

ــ علاش؟

ــ حيث “هو” يعني لي تشبه ليكم معاه لاخر ميمنكش يدير بلاغ ويقول “أنا ما شي هو”

ــ واشنو فيها؟

ــ حيث “هو ديال بصح” مشي أي “هو” من الناس

ــ شنو الفرق كاع؟

ــ باين الفرق كبير أصاحبي

ــ بحالاش؟

ــ المكانة ــ الصالير ــ التعويضات ــ كيدوي غير بالفرنساوية ــ البورصة ممحاشيهش ليها ..وزيد وزيد

ــ لا زيد انت “نيت”

ــ الزيادة من راس لحماق

ــ واش ابغيت “التراب” الغالي لي معول عليه المغرب يسرد لينا في الما ونوليو ضحكات قدام روسيا، مثلا؟

ــ لا حاشا لهلا يفزك لبلاي عطرية الله يا ودي

ــ ثانيا، أش فيها كاع بنادم يفوج ويتنفس مع هاد كورونا المسخوطة؟

ــ مافيها والو غير..

ــ غير شنو؟

ــ مدايرينش المسافة القانونية/التباعد الجماعي..

ــ ما عليش

ــ عليه قالاك معليش

ــ زيد باقيش؟

ــ مدايرينش لكمايم ويمكن سببو للبلاد في بؤر شبه عائلية بحرية

ــ زيد

ــ نزيدك…وثالثا أخويا كون شافهم لمقدم وبلغ بيهم القايد ووصلت للنيابة العامة وتشدو بسليباتهم فين غنوليو؟

ــ مغنوليوش كون هاني

ــ نوليو كالاك منوليوش

ــ وصاحبي افهم راه مشي بحالنا حنا

ــ أنا حنززت في الفيديو بحالنا بحالهم وعندهم فخاد وبزازل وكيشطحو وكلشي

ــ وماغاديش تفهم..راهم ماشي بحالنا

ــ علاش؟

ــ هاكاك وصافي

ــ يعني على هاد لحساب “احنا ما شي احنا”؟

ــ مكنسمعش للغيوان ومكنفهمهمش ومكيعجبونيش

ــ علاش؟

ــ مالقاو ما يغنيو غير “مهمومة”؟

www.achawari.com

 

 

 

 

 

 

 

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد